كما وردنا حرفياً عن هذه الدكتورة التي دمرت مستقبل شبابنا وشاباتنا..
رسوب طلبة مرحلة كاملة في مادة د.خلود في كلية بغداد للعلوم الاقتصادية الجامعة
——————————————————————–
ان موضوع رسوب اكثر طلبة قسم المحاسبة / المرحلة الرابعة في مادة دكتورة خلود / مادة النظم لها اسباب خفية يسردها مجموعة من الطلبة بالاستناد على حقائق حصلت بالكلية وكل من في الكلية يعلم بها ومن ينكرها فحسبنا الله به…. حقيقة الامر كالتالي:
احنه مجموعة من طلاب المرحلة الرابعة قسم المحاسبة الصباحي وقسم المالية والمصرفية المسائي نريد نوضح للكل شنو نوع المؤامرات والدسائس اللي دتصير بكلية بغداد للعلوم الاقتصادية واحنه نوكع بيها .
اولا دكتورة خلود هي رئيسة قسم المحاسبة سابقا وطلعت من رئاسة القسم مثل مطلعوا كل رؤساء الاقسام والعميد (رعد الطائي) وسبب طلعتهم الوزارة ادرى بيه.
ثانيا دكتورة خلود جانت رئيسة القسم اللي بيه د.ليلى (اللي هي حاليا رئيسة قسم) وايضا د.ناجي اللي جان فترة عميد وطيح حظها للكلية ، يعني اثنينهم تحت امرة د.خلود …..
د.ناجي الطلاب دائما يشتكون منه لفشلة بالتدريس واسلوبه التعبان وطريقة كلامه وية الطلاب مما ادى الى ايصال شكوتنا للعميد (جان بوكت د.رعد العميد)
و د.ليلى اشتهرت بالرشاوي (الذهب والهدايا الثمينة) والصايغ اللي يوصللها الذهب طالب ويانه بالمسائي ، ننجبر ندفع يمه وهو يوصللها للخاتون والكلية كلها تدري بهاي السالفة وكل العمداء اللي صاروا والله طيح حظهم وراحو يدرون بس ماكو شارب يتحرك. المصيبة مو هنا المصيبة انه ليلى عدها علاقات مشبوهه وية الطلاب وخصوصا الي يشتغلون باماكن تفيدها ( واني اقصد جماعة المسائي لان اغلبهم مصارف وعقارات ومناصب) ، وصلت الامور انه صور ليلى اللا اخلاقية تصير بين الطلاب وتصوير الفديو الها وهي تستلم الرشوة وصور ابشع مما يتصورها عقل وهي سكرانه . يعني منو يصدك تدريسية يبات طالب ببيتها ؟ عدها علاقة بيه ؟ منو يتخيل ؟
من غير زواجها العرفي من استاذ شغله كله بالتهديد والمكائد بين الطلاب (د.عدنان مناتي) اللي يكوم ويكعد يحجي كدامنه احنه العصائب الى ان فضحه واحد يعرفه من وكت صدام وطلع هذا عدنان مناتي جان مدير مدرسة الاعداد الحزبي ويشتغل باجهزة قمعية (منكول غير بارك الله بالوزارة اللي مبقيته) ، ليلى اتزوجت عدنان مناتي عرفي وعقد الزواج سواه واحد من الطلاب المتخرجين بمكتب بالحرية .
دكتورة خلود نبهت وحذرت ليلى لاكثر من مرة لسوء خلقها ولكن شاءت الاقدار انه تصير د.ليلى رئيسة قسم لانه حسب ما اعتقد ماعدهم بديل او هيج شي ودكتور ناجي صار عميد فتخيلو شلون ينتقمون سوية من د.خلود ؟ بالنسبة النه احنه الطلاب من سالنا شلون الوزارة خلتهم بهاي المناصب ؟ كالوا قسم من الاساتذة اللي عدنه علاقة طيبة بيهم (لانه اغلب دكاترة الكلية مشمولة مسائلة وعدالة وجانوا حزبيين بمناصب جبيرة وعليه اختاروا هذولة وكالوا بقاءهم مؤقت ) ولو احنه مو كلش اقتنعنه بس شنو بيدنه اسمنه طلاب.
د. ليلى كلنه نعرف عنها انه تحارب الطالب وتضغط عليه بكل الطرق لاجل يدفعلها واللي يدفع تتفق وياه على مكان وتجيبله دفتره الامتحاني (اتخيلو الطالب يستلم دفتره ويكتب بيه الحل الصحيح بعد ما خلص الامتحان باسبوع على الاقل) ولحد يكول شلون ؟ كلنه ندري شلون تتفق على الاشارات اللي تطلبها من عدنه بالدفتر هي ود.علي كاظم ولو بيها زود الوزارة تجي تفنش دفاتر د.ليلى و د.علي كاظم ويشوفون شنو الاشارات اللي بالدفتر .
احنه اشتكينه بالنزاهة العام وطلاب الرابع هم اشتكو .. والله قدموا شكوة بس هاي ليلى ماكو واحد ممصخمه وجها وياه.
احنه من نحجي مو حبا بدكتورة خلود بس نريد نوصل صوتنه …
وحسب قول احد الاساتذة في اللجنة الامتحانية والي هو من بين ممن لاحول وقوة لهم امام هذه المكائد (فان مجلس الكلية ورئاسة القسم منعوا اضافة الكيرف اللي يساعد الكثير من الطلبة ويحول حالتهم من الرسوب الى النجاح في مادة د.خلود لاجل توكع بهاي المصيبة وماكو خير يكدر يحجي بالكلية واحنه الطلاب بعد ماشفنا النزاهة مسوت شي وشكوتنا للوزاة مسوت شي لجانا لمواقع التواصل … واللي يريد اثبات انه تم مسح الاجوبة ( تتذكرون من جنة نمتحن واجانة المقرر مال المحاسبة (محمد ابراهيم وبيده ورقة) وطلب اسماء طلاب معينيين ؟؟) طلبوا اسماء مجموعة طلاب حته يشتكون على خلود ، هذا الحجي مباشرة بعد امتحان د.خلود والامتحانات مخلصانه ، بس فهمونه شلون طلعو النتائج وعرفوا والامتحانات بعدها ؟ عرفتوا شلون مكيدة دبروها لدكتورة خلود ؟
اما المقرر محمد ابراهيم مال المحاسبة فهو الحثالة اللي يستغلنا باسم ليلى (الله ليوفقه)
الصور اللي دزيناها جزء من امور صعب انسان يتخيلها ، يعني اكثر صور مستورة بيها الست.
والله على مانقول شهيد

شارك موضوعى مع أصدقائك
  • gplus
  • pinterest

التعليقات

  1. طراحی پاستل
    26 يوليو، 2017 at 9:56 ص

    خسته نباشید ممنون به خاطر این وبسایت
    زیبا

التعليقات مغلقة .